Carrot Benefits in Urdu

 

گا جر

گاجرApiaceae

(پھولدار پودوں کا ایک خاندان ) کی ایک مقبول جڑ والی سبزی ہے -گاجر کو سلاد ، سوپ اور میٹھے بیکس میں استعمال کیا جاتا ہے۔کچھ لوگ گاجر کو صحت کے لیے فائدہ مند سمجھتے

ہیں، جب کہ پرانے وقت کے بزرگ اپنے بچوں کو بتایاکرتے تھے کہ گاجر کھانے سے ان کو اندھیرے میں دیکھنے میں مدد ملے گی۔لوگوں نے تقریباً ہزاروں سال پہلے گاجر کی کاشت

اس علاقے میں کی تھی جو اب افغانستان کے نا م سے جا نا جاتا ہے۔شروع میں گاجر چھوٹی، کانٹے دار، جامنی یا پیلے رنگ کی تھی جس  کا ذائقہ کڑواتھااور اس گاجر سے بالکل

مختلف تھا جسے ہم آج استعمال کر تے ہیں۔

گاجر کے فوائد

گاجر میں وٹامن اے، اینٹی آکسیڈنٹس(اینٹی آکسیڈنٹس ایک ایسا مادہ ہے جو جمع شدہ  کھانے کی مصنوعات کے بگاڑ کو روکنے  کے لیے استعمال کیا جاتا ہے)اور دیگر غذائی اجزاء

ہوتے ہیں۔گاجر وٹامنزاورمعدنیات سے بھرپور ہوتی ہے۔ وہ اینٹی آکسیڈینٹ کا ایک اچھا ذریعہ بھی ہیں۔

اینٹی آکسیڈینٹ جسم کو آزاد ریڈیکلز(ریڈیکل زہریلا مادہ ہیں)، غیر مستحکم مالیکیولز کو ہٹانے میں مدد کرتے ہیں جو جسم میں بہت زیادہ جمع ہونے پر سیل کو نقصان پہنچا سکتے ہیں۔

آزاد ریڈیکلز قدرتی اور ماحولیاتی دباؤ کا نتیجہ ہیں۔جسم قدرتی طور پر بہت سے آزاد ریڈیکلز کو ختم کر سکتا ہے،اینٹی آکسیڈنٹس اس وقت استعمال کیے جاتے ہیں جب آکسیڈینٹ کی

تعداد بہت زیادہ ہو۔

گاجر کے چند استعمالات مندرجہ ذیل ہیں:

بصارت کو بہتر کرنا

کیا گاجر آپ کو اندھیرے میں دیکھنے میں مدد کر سکتی ہے؟ ایک طرح سے، ہاں۔

گاجر میں وٹامن اے ہوتا ہے، اور وٹامن اے کی کمی کی وجہ سے زیروفتھلمیا(ایک طبی حالت ہے جس میں آنکھ آنسو پیدا نہیں کر پاتی)ہو سکتا ہے، جو آنکھوں کی ایک بیماری

ہے۔ زیروفتھلمیا رات کے اندھے پن یا روشنی کی کم ہونے پر دیکھنے میں دشواری کا سبب بن سکتا ہے۔غذائی سپلیمنٹس کے ادارے کے مطابق، وٹامن اے کی کمی بچوں میں

اندھے پن کی بنیادی وجوہات میں سے ایک ہے۔

لہذا، ایک طرح سے، گاجر آپ کو اندھیرے میں دیکھنے میں مدد کر سکتی ہے۔

کینسر کے خطرے کو کم کرنا

نیشنل کینسر انسٹی ٹیوٹ کے مطابق، جسم میں بہت زیادہ آزاد ریڈیکلز کینسر کی مختلف اقسام کے خطرے کو بڑھا سکتے ہیں۔غذائی کیروٹینائڈز(غذائی کیروٹینائڈز آنکھوں کی بیماری کے

خطرات کو کم کرنے کے لیے استعمال کیا جا تا ہے)اینٹی آکسیڈنٹ اثرات کے خطرے کو کم کر سکتے ہیں۔ Lutein اور zeaxanthin ان کیروٹینائڈز کی دو مثالیں ہیں۔ایک

درمیانے سائز کی کچی گاجر، جس کا وزن 61 گرام ہے،اس میں 509 مائیکرو گرام (mcg)وٹامن اے ہوتا ہے۔

لیوکیمیاکینسر: 2011 میں، محققین کو شواہد ملے ہےکہ گاجر کے عرق میں موجود غذائی اجزاء لیوکیمیا کے خلیات کو مار سکتے ہیں اور ان کے پھیلاؤ کو سست یا روک سکتے ہیں۔

پھیپھڑوں کا کینسر: 2011 میں بھی، محققین نے یہ نتیجہ اخذ کیا کہ گاجر کا جوس پینے سے اس قسم کے نقصان کو روکنے میں مدد ملتی ہے جو تمباکو نوشی کرنے والوں میں پھیپھڑوں

کے کینسر کا باعث بنتے ہیں۔

اس سے قبل، 2008 کے ایک تجزیہ نے اس بات کی نشاندہی کی کہ مختلف کیروٹینائڈز کی زیادہ مقدار لینے والے شرکاء میں پھیپھڑوں کے کینسر کا خطرہ 21 فیصد کم ہوا۔

ہاضمہ بہتر کر تا ہے

2014 کی تحقیق کے مطابق جس میں 893 افراد کا ڈیٹا شامل تھا، زیادہ کیروٹینائیڈ کا استعمال بڑی آنت کے کینسر کے خطرہ کم کر سکتا ہے۔

اگلے سال شائع ہونے والی ایک تحقیق کے نتائج بتاتے ہیں کہ جو لوگ زیادہ فائبر والی غذا کھاتے ہیں ان میں کولوریکٹل کینسر(کولوریکٹل کینسرایک بیماری ہے جس میں بڑی آنت 

کے خلیات قابو سے باہر ہو جاتے ہیں) کا خطرہ ان لوگوں کے مقابلے میں کم ہوتا ہے جو بہت کم فائبر کھاتے ہیں۔ایک درمیانی گاجر میں فائبر کا 1.7  گرام ہوتا ہے،اسکے علاوہ،

1کٹی ہوئی گاجر 3.58 گرام فائبر فراہم کرتی ہے۔

ذیا بیطس کو کنٹرول کرتا ہے

گاجر کا ذائقہ میٹھا ہوتا ہے اور اس میں قدرتی شکر ہوتی ہے۔  گاجر تقریباً 10فیصد کاربوہائیڈریٹ(کاربوہائیڈریٹ  کاربن (C)، ہائیڈروجن (H) اور آکسیجن (O) ایٹموں پر مشتمل ایک

مالیکیول ہے) پر مشتمل ہوتی ہے اور اس میں سے تقریباً نصف چینی ہوتی ہے۔کاربوہائیڈریٹ مواد  30فیصد فائبر بھی فراہم کرتی ہے۔ ایک درمیانے سائز کی  گاجر میں 25فیصد

کیلوریز فراہم کرتی ہے۔مجموعی طور پر، یہ گاجر کو کم کیلوری اور زیادہ فائبر والا کھانا بناتا ہے جس میں چینی نسبتاً کم ہوتی ہے۔ اس وجہ سے، یہ گلیسیمک انڈیکس (GI) پر کم اثر انداز

ہوتا ہے۔ یہ انڈیکس ذیابیطس کے شکار لوگوں کو یہ سمجھنے میں مدد کر تا ہے کہ کون سی غذائیں ان کے خون میں شکر کی سطح کو بڑھا سکتی ہیں۔ابلی ہوئی گاجر کا GI تقریباً 39فیصد

ہے۔ اس کا مطلب ہے کہ گاجرخون میں شوگرلیول  نہیں بڑھاتا ہے۔اس لیے گا جر کو ذیابیطس کے شکار لوگوں کے لیے محفوظ سمجھا جا تا ہیں۔اسکے علاوہ، 2018 کے جائزے

میں یہ نتیجہ اخذ کیا گیا کہ زیادہ فائبر والی غذا کا استعمال ٹائپ 2 ذیابیطس کی نشوونما کو روکنے میں مدد کر سکتا ہے۔ زیادہ فائبر والی غذائیں ٹائپ 2 ذیابیطس والے لوگوں کے خون میں

شکر کی سطح کو کنٹرول کرنے میں بھی مدد کر سکتی ہیں۔

بلڈ پریشر اور قلبی صحت

گاجر میں موجود فائبر اور پوٹاشیم بلڈ پریشر کو کنٹرول کرنے میں مدد کر سکتے ہیں۔

امریکن ہارٹ ایسوسی ایشن (اے ایچ اے) لوگوں کو کھانے میں کم نمک یا سوڈیم شامل کرنے کی ترغیب دیتے ہے، جبکہ ایسی غذائیں استعمال کر نے کا کہتے ہیں جن میں پوٹاشیم

ہوتاہے، جیسے گاجر۔ پوٹاشیم ہائی بلڈ پریشر اور دیگر دل کی بیماریوں کے خطرے کو کم کرتا ہے۔ایک درمیانی گاجر ایک شخص کی روزانہ کی ضرورت کا تقریباً 4 فیصد پوٹاشیم کافراہم

کرتی ہے۔اسکے علاوہ، 2017 کے ایک جائزے سے یہ نتیجہ اخذ کیا گیا ہے کہ فائبر کی زیادہ مقدار استعمال کر نے والے افراد میں ان لوگوں کے مقابلے میں دل کی بیماری کا امکان

کم ہوتا ہے جو کم فائبر کھاتے ہیں۔ کافی مقدار میں فائبر کھانے سے خون میں خراب کولیسٹرول (کولیسٹرول ایک چربی نما مادہ ہے جو آپ کے جسم کے تمام خلیوں میں پایا جاتا

ہے)کی سطح کو کم کرنے میں بھی مدد مل سکتی ہے۔

مدافعتی نظام اور شفا یابی

ایک اور اینٹی آکسیڈنٹ جو گاجر فراہم کرتا ہے وہ وٹامن سی ہے۔وٹامن سی کولیجن کی پیداوار میں حصہ لیتا ہے۔ کولیجن جوڑنے والے بافتوں(ٹشوز) کا ایک اہم جزو ہے اور

زخم بھرنے اور جسم کو صحت مند رکھنے کے لیے ضروری ہے۔یہ وٹامن مدافعتی خلیوں میں بھی ہوتا ہے، جو جسم کو بیماریوں سے لڑنے میں مدد دیتا ہے۔ 2017 کے ایک مطالعہ

کے مطابق، ایک صحت مند مدافعتی نظام کینسر سمیت کئی بیماریوں کو روک سکتا ہے۔کچھ ماہرین کا خیال ہے کہ اضافی وٹامن سی لینے سے قوت مدافعت کے نظام  میں اضافہ ہو

سکتا ہے۔

ہڈیوں کی صحت

گاجر میں وٹامن K اور کیلشیم اور فاسفورس کی تھوڑی مقدار ہوتی ہے۔ یہ سب ہڈیوں کی صحت کو بہتر بنا تے  ہیں۔

غذا میں گاجر

گاجروں کے لیے دو موسم ہوتے ہیں بہار اور خزاں  لیکن یہ عام طور پر سارا سال مارکیٹوں میں دستیاب ہوتے ہیں۔ لوگ انہیں تازہ، منجمد، ڈبہ بند، اچار یا جوس کے طور پر خرید

سکتے ہیں۔بہتر ہے کہ گاجروں کو سیل بند پلاسٹک کے تھیلے میں فریج میں رکھیں۔ کسی بھی سبزے کو ذخیرہ کرنے سے پہلے اوپر سے ہٹا دیں تاکہ انہیں جڑوں سے نمی اور غذائی اجزا

حاصل کرنے سے روکا جا سکے۔گاجر ایک اہم سبزی ہے۔ لوگ انہیں کچی، ابلی ہوئی، اور سوپ میں بطور جزو استعمال کرتے ہیں۔

خطرات

وٹامن اے کا زیادہ استعمال مضر صحت ہو سکتا ہے۔ اس کے علاوہ، یہ جلد پر ہلکی نارنجی رنگت کا سبب بن سکتا ہے، حالانکہ یہ صحت کے لیے نقصان دہ نہیں ہے۔اس کے

علاوہ، کچھ دوائیں وٹامن A سے حاصل ہوتی ہیں، جیسے کہ isotretinoin (Accutane)، پھنسی کا علاج، یا acitretin (Soriatane)،(جلد کی ایک بیماری) کا علاج۔ جو لوگ یہ

ادویات استعمال کرتے ہیں انہیں گاجر کم  کھانی چاہیے تاکہ وٹامن اے کی زیادہ مقدار سے بچا جا سکے۔کچھ لوگوں کو گاجر میں موجود مرکبات سے الرجی ہوتی ہے۔ان لوگو ں کو 

گاجر کھانے کے بعد  سوجن اور سانس لینے میں دشواری ہو تی ہیں۔اگر علامات شدید ہو جائے، تو شخص انفیلیکسس(یہ الرجی کی ایک  جان لیوا  بیماری ہے) کا تجربہ کر سکتا ہے، جو

کہ ممکنہ طور پر جان لیواہے اور  تیزی سے پھیلتا ہے۔اگر کوئی شخص جانتا ہے کہ اسے گاجروں سے الرجی ہے تو اسے  سبزیوں کے سوپ اور دیگر مصنوعات کے اجزاء کو احتیاط

سے چیک کرنا چاہیے۔

اگر کوئی شخص جانتا ہے کہ اسے گاجروں سے الرجی ہے تو اسے اسموتھیز، سبزیوں کے سوپ اور دیگر مصنوعات کے اجزاء کو احتیاط سے چیک کرنا چاہیے۔